NB!! Bussen går 19.mai - 30. september

Brebussen er eit fantastisk tilbod til deg som er på ferie ved Sognefjorden. No kan du lett ta ein dagstur til Nigardsbreen, besøke Breheimsenteret og vere med på ein guida tur på Nigardsbreen. Eller du kan stogge i Solvorn, ta ferja over til Urnes, og bruke dagen ved Urnes stavkyrkje. Kva du enn vel er du garantert ein toppdag.

Sjølve Brebussen går mellom Sogndal og Nigardsbreen kvar dag. 08.45 frå Sogndal, 17.00 frå Breheimsenteret igjen.
Morgon og kveld er det tilpassa matebussar frå dei fleste stadene langs Sognefjorden, som Flåm, Aurland, Lærdal og Balestrand. Dermed når du Brebussen same kvar du overnattar. Finn avgangstider i lista til venstre. NB! Enkelte stader har ikkje rute laurdag og søndag!

Jostedalsbreen er, med sine omlag 500 km2, den største breen på det europeiske fastlandet. Heile breen pluss ein del av dei næraste dalane inn mot breen er verna i Jostedalsbreen Nasjonalpark.

Ein av dei vakraste og utan tvil lettast tilgjengelege brearmane er Nigardsbreen i Jostedalen. Framfor breen er eit lite vatn som blir trafikkert av M/S Jostedalsrypa.
Og på breen tek Jostedalen Breførarlag deg med på bretur.
Minstealder for den lettaste turen er 6 år, dei andre 12 år.
Det finst både korte og lange, lette og krevjande turar.
Bli med Brebussen på ein dagstur til dette "Isblå Drøymelandet" i hjarta av Noreg!
Finn ut bussrutene ved å velje startpunktet ditt i lista til venstre. Du kan kjøpe billettar direkte på bussen, eller på turistkontora ved Sognefjorden.

Og les desse sidene nøye. Det kan spare deg mange spørsmål seinare.