Prisar og opningstider
Opningstider:
Senteret er ope kvar dag frå 1. mai – 6. oktober.
1. mai – 16. juni: 10.00–17.00
17. juni – 18. august: 09.00- 19.00
19. august – 31.august 10.00- 18.00
1. september – 30.september: 10.00- 17.00
1. oktober – 6.oktober: 10.00 – 15.00
Prisar utstilling:
Vaksne: 95 kr
Barn under 10 år: Gratis
Barn, honnør, student og gruppe: 65 kr
Utstilling
Breheimsenteret er eit autorisert besøkssenter for Jostedalsbreen og Breheimen nasjonalpark. I utstillinga kan du lære om desse verneområda. Utstillinga syner noko av den mest varierte naturen vi har i Noreg, frå dei frodige, djupe dalane til karrig høgfjell og isbrear.
I kinosalen viser vi ein bildefilm som tar deg med på ei reise under, på og rundt Jostedalsbreen gjennom dei ulike årstidene.
Eit besøk på Breheimsenteret vil garantert vere lærerikt!
Servering
Nyt eit godt måltid med utsikt til Nigardsbreen etter ein lang dag på tur. I lunsjrestauranten kan du ete heimelaga rettar med fleire innslag av lokale råvarer. På søndagane er det eigen middagsmeny, med nye spennande rettar kvar gong. Følg med på facebooksida for oppdatert meny!
Om du ikkje har tid til å setje deg ned i restauranten vår, tilbyr vi ferdig påsmurde lunsjpakkar som du kan ta med deg på tur. Ta kontakt, så ordnar vi dette!
Vi tilbyr:
- Standard lunsj (145 kr): heimelaga speltrundstykke med ost og skinke, eple og 0,5 l vatn.
- DeLuxe lunsj (185 kr): heimelaga speltrundstykke med laks og ruccola, eple, sjokolade og 0,5 l vatn.
- Vegetar lunsj (185 kr): heimelaga speltrundstykke med brie og eple, eple, sjokolade og 0,5 l vatn.
Lunsjrestauranten kan ta imot både små og store grupper. Ta kontakt dersom de ønskjer tilbod på eigne gruppemenyar.
Møtelokale/selskapslokale
Kva med å flytte møtet til eit litt utradisjonelt møtelokale med nærleik til naturen? Breheimsenteret er eit ideelt bygg for seminar og møte, og vi er gjerne vertskap for selskapet ditt.
Her har vi husa selskap som bryllaup, konfirmasjon, dåp og jubileum. Vi skreddarsyr opplegget for gruppa di, ta kontakt for tilbod.
Turistinformasjon
Breheimsenteret er turistinformasjon for dei som kjem på besøk til Jostedalen. Vi har mykje kunnskap om området, så kom gjerne innom om du ønskjer tips og råd for opphaldet ditt.
På senteret finn du alt du treng av brosjyrar og informasjon, og du kan booke turar med Jostedal Breførarlag og Icetroll. Vi hjelper deg med å planleggje opphaldet ditt!
Vi sel blant anna spekepølser frå Brelam, eit lokalt føretak som lagar spekepølse, fenalår, pinnekjøt og salta kjøt. Kjøtet er av dyr som har beita i Nigardsbredalen og på høgfjellet vest for Nigardsbreen.
Treng du ei varm jakke, eller hue eller hanskar til turen, så finn du det i butikken vår.
Korleis kome seg hit
Breheimsenteret ligg mellom Jostedalsbreen og Breheimen nasjonalpark i Jostedalen i Luster kommune, inst i Sognefjorden. Dette er ein naturleg avstikkar om ein køyrer via Sognefjellet (rv. 55), eller kjem frå Sogndal og rv. 5.
Det er fleire måtar å ta seg til Breheimsenteret og Jostedalen på.
| Title | Address | Description |
|---|---|---|
Breheimsenteret | Brevegen 8, 6871 Jostedal, Norge |
Busselskapet Kringom set opp «Brebussen», som er ei eiga sommarrute frå Sogndal til Nigardsbreen parkeringsplass. Gå inn på nettsidene til Kringom for å sjå busstabellen, eller på Travel like the locals.
Fly
Daglege avgangar til Sogndal Lufthamn frå Oslo og Bergen med Widerøe.
Båt
Daglege avgangar til Sogndal frå Bergen, og frå Flåm mellom 1. mai og 30. september norled.no. Frå Sogndal kan du reise vidare med buss.
Kjem du frå andre stader i Noreg, kan det vere fint å nytte reiseplanleggaren En tur.
Om bygget
I 1993 stod Breheimsenteret ferdig for første gong. Det karakteristiske bygget har form som sprekk og tårn i ein isbre. Arkitekt var Rolf Sande ved arkitektkontoret A38 i Sogndal. Sommaren 2011 brann bygget ned til grunnen, og eit nytt bygg stod klart i 2013. Breheimsenteret blei i 1997 autorisert til besøkssenter for nasjonalpark. Vi har i dag særskilt ansvar for natur- og miljøformidling frå Breheimen og Jostedalsbreen nasjonalpark.
Kontakt oss
Besøksadresse: Breheimsenteret, Brevegen 8, 6871 Jostedal
Booking og kontakt:
Mail: jostedal@jostedal.com
Tlf.: +47 57 68 32 50
Ole Øyen
Dagleg leiar
ole@jostedal.com
