Her er dei beste bidraga til årets fotokonkurranse
Det blei sendt inn 94 bidrag til fotokonkurransen vi hadde gåande i sommar. Temaet var sommar i Jostedalsnaturen. Det blei sendt inn mange flotte bilder frå turar i området, med fokus på både aktivitet og landskap. Dommar og fotograf, Vegard Aasen har vald ut dei 20 beste bidraga og kåra dei tre beste fotografia. Her kan du sjå dei utvalde bileta og lese grunngjevinga for topp 3.
Vi gratulerer så mykje til vinnarane og vil takke for alle dei flotte bidraga til konkurransen!
1. plass – Lasse Tuften
Grunngjeving: Eit nydeleg bilete frå Jostedalsfjella med eit heilt fantastisk lys! Eg får verkeleg følelsen av å sjå på eit måleri frå nasjonalromantikken. Mannen med hatt og gåstav (fiskestang) gjer sitt for å forsterke denne følelsen, og tilfører samtidig dybde og meir meining til biletet. Her har fotografen verkeleg vore på rett stad til rett tid, og samstundes gjort ein god jobb! Eg fekk umiddelbart lyst til å gå i fjellet.
2. plass – Joakim Rosenlund Larsen
Grunngjeving: Nok eit vakkert bilete frå fjellheimen i Jostedalen. Dette biletet osar av sommarstemning, med vakre fargar etter solnedgang som gir meg ein varm følelse. Menneska på veg heim frå fisketur (?) er fint plassert i silhuett, og gjer uttrykket meir spennande. Dette biletet gjer meg og lyst til å komme meg til fjells!
3. plass – Gunnar Hess Elgersma
Grunngjeving: Knallfint bilete av brevanding! Godt utført teknisk – kontrasten mellom skuggen i bresprekken og sola på fjellet bak er stor, så her må fotografen gjere alt riktig for å ikkje miste detaljar. Komposisjonen gir ein fin dybde, og ei god innramming til brevandraren som vert i fokus.
Jenny Emilie Kilen
Helene Halveg
Hjørdis Mestad
Mette Lise Magnussen
Robert Austheim
Ann Kristin Øyen
Jenni Ruud
Olav Grov
Gunnar Hess Elgersma
Joakim Rosenlund Larsen
Mette Lise Magnusen
Joakim Rosenlund Larsen
Hjørdis Mestad
Jonas Vangen
Jutta Schatton
Torstein Bakke
